Kókoskúlur eru frábært nammi sem gott er að eiga með kaffinu. Gaman og einfalt að búa til með krökkum.
4 dl döðlur
2 dl kókosmjöl + auka til að velta uppúr
3 msk hreint kakó
½ dl kókosolía
smá sjávarsalt
Má bæta við ef vill:
1 tsk appelsínudropar eða vanilludropar
rifinn appelsínubörkur af einni appelsínu
Setjið döðlur, kókosmjöl, kakó, kókosolíu (og dropa ef vill) í matvinnsluvél og blandið þar til orðið að mauki. Ef þið notið appelsínubörk bætið nú helmingnum út í og blandið létt.
Gott er að geyma deigið í kæli í smástund áður en kúlurnar eru mótaðar.
Veltið kúlunum upp úr kókosmjöli (og rifnum appelsínuberki ef vill).
Kúlurnar geymast vel í kæli eða frysti.
