Þennan graut má útbúa daginn áður, hann geymist í nokkra daga í ísskáp í loftþéttu boxi. Geymið grautinn í einu boxi og ávaxtamaukið í öðru.
Grauturinn
2.5 dl jurtamjólk, t.d. Joya kókosdrykkur
1.5 dl tröllahafrar/haframjöl
2 msk chiafræ
1 tsk vanilla EÐA 1 msk vanillupróteinduft
1 tsk kanill
1/2 tsk sítrónusafi
nokkur saltkorn
Ávextir
1 epli, skorið í litla bita
2 dl frosin hindber
1-2 tsk engiferskot
1 banani skorinn í bita eða sneiðar
Grauturinn
Hrærið allt saman og látið standa í 10-15 mín eða í ísskáp yfir nótt.
Ávextirnir
Saxið epli smátt eða rífið með rifjárni og hrærið saman við hindber og engifer (t.d. hægt að nota matvinnsluvél til að léttsaxa, en ekki mauka alveg, eða bara nota gaffal og stappa). Látið standa í nokkrar mínútur eða geymið í ísskáp yfir nótt.
Berið fram með bananabitum. Njótið!
