Þetta bragðgóða pestó er frábær leið til að nýta grænkálið, hvort sem það er heimaræktað eða úr búðinni. Gott sem álegg, út á salöt, pasta og pizzur.
5 grænkálsblöð, takið stilkinn af
5 góðar ólífur, takið steinana úr
50g möndlur, ristið eða bakið
2-4 döðlur, smátt saxaðar
1 hvítlauksrif
smá sjávarsalt
safi og hýði af 1 sítrónu
1/2 - 3/4 dl jómfrúarólífuolía
Byrjið á að rista eða baka möndlurnar við vægan hita.
Setjið svo allt nema ólífuolíuna í matvinnsluvél eða mortél og maukið/merjið.
Setjið í skál og hrærið ólífuolíunni út í.
Smakkið til með meira sjávarsalti og sítrónusafa ef vill.
Njótið!
