Til baka
Content
Spaghetti með linsum
Þessi pastaréttur er einfaldur og bragðgóður og minnir svolítið á kjötlaust spaghetti bolognese.
Himneskt spaghetti er gert úr heilmöluðu korni sem er ræktað á ökrunum í kringum Montebello klaustrið í Marche, á Ítalíu. Þessir akrar hafa verið ræktaðir um langan aldur án notkunar tilbúins áburðar og varnarefna.
Pastað er hægþurrkað, sem fullkomnar bragð og áferð þess og viðheldur næringargildi hráefnisins eins og best verður á kosið. Hægt er að velja spaghetti úr lífrænt ræktuðu heilhveiti eða lífrænt ræktuðu heilmöluðu spelti.
Hráefnið fyrir 4
150g lífrænt spaghetti, ósoðið
olía til að steikja upp úr
1 rauðlaukur, skorinn í þunnar sneiðar
3 hvítlauksrif, skorin í þunnar sneiðar
3 gulrætur, rifnar á grófu rifjárni
50g rauðar linsur
3 msk tómatpúrra
½ krukka (um 170g) Himnesk pastasósa
2 msk vatn
1-2 tsk sjávarsaltflögur
þinn uppáhalds parmesan ostur, t.d. vegan
Gott að bera fram með litlum tómötum, fersku timían og góðu pestó.
Aðferð
Setjið olíu á pönnu - bætið rauðlauk og hvítlauk út á - hrærið í 1-2 mín og bætið svo gulrótum, rauðum linsum og tómatpúrru út á - hrærið í um 1 mín og bætið svo restinni af uppskriftinni við - lækkið hitann og látið malla við vægan hita í 10-15mín.
Þegar allt er komið á pönnuna og sósan er að malla er gott að sjóða spaghetti skv. leiðbeiningum á pakkanum:
1. Setjið vatn í pott og saltið eftir smekk. Pastað er svo sett í pottinn þegar suðan er komin upp. Gætið þess að vatnið fljóti vel yfir. Miðað er við 1 lítra af vatni fyrir hver 100g af pasta.
2. Sjóðið í 8-10 mínútur.
3. Gott er að hræra aðeins í pottinum svo að pastað festist síður saman. Þegar pastað er soðið er best að hella vatninu af og bera það strax fram eða kæla það niður.
Stráið rifnum parmesan osti yfir þegar borið fram.
Gott að bera fram með litlum tómötum, fersku timían og góðu pestó.
Vörur í uppskrift
Fleiri uppskriftir
Ribeye
Það er ekkert eins gott og vel eldað ribeye, hér er uppskrift að ribeye sem kitlar bragðlaukana.
Hakk og spagettí
Við kynnum fyrsta flokks íslenskt nautakjöt frá Íslandsnauti – fullkomnað með dásamlegri spagettí uppskrift Íslandsnaut býður aðeins fyrsta flokks íslenskt nautakjöt.
Smash style borgari
Smash hamborgarar hafa notið mikilla vinsælda og bjóða upp á bragðmikla útgáfu af hefðbundnum hamborgara.
