Content
Rauðrófu og kjúklingabaunaskál
Ljúffeng og nærandi skál stútfull af grænmeti ásamt kjúklingabaunum og dásamlegri dressingu. Við notum himnesku kjúklingabaunirnar og flottu ítölsku ólífuolíuna til að útbúa bragðgóðar kjúklingabaunir í skálina. Grófa sinnepið okkar er frábært í dressinguna ásamt himnesku hunangi.
Hráefnið fyrir 4
Grænmeti
300g rauðrófur, afhýddar og skornar í báta
1 tsk fennelduft
½ tsk cuminduft
½ tsk sjávarsalt flögur
300g blómkál, skorið í passleg blóm eða bita
1 tsk garam masala
½ tsk sjávarsaltflögur
1 dós lífrænar forsoðnar kjúklingabaunir, (hellið vökvanum af)
1 tsk reykt paprika
½ tsk chili flögur
1 tsk sjávarsalt flögur
2-3 msk ólífuolía
1 avókadó, afhýtt, steinninn fjarlægður og skorið í fernt
2 gulrætur, skornar julienne i mjög þunna strimla
kjarnarnir úr ½ granatepli
1 hnefi spínat eða annað grænt kál/salat
Sósa
100g sýrður rjómi eða vegan sýrður rjómi
1 hvítlauksrif, pressað
1 tsk sinnep
1 tsk hunang (notið agave ef vegan)
½ tsk sjávarsaltflögur
Aðferð
Hitið ofninn í 200°C.
Setjið bökunarpappír í ofnskúffu, raðið rauðrófunum á 1/3 hluta ofnskúffunnar, blómkálinu á 1/3 hluta og kjúklingabaununum á 1/3 hluta.
Kryddið rauðrófurnar með fennel, cumin og salti, blómkálið með garam masala og salti, kjúklingabaunirnar með reyktri papriku, chiliflögum og salti og endið á að skvetta olíunni yfir allt.
Bakið við 200°C í 15 – 20 mín.
Á meðan grænmetið og baunirnar eru að bakast þá hrærið öllu saman sem fer í sósuna, skerið gulrætur, avókadó og gerið granateplakjarnana tilbúna.
Skiptið öllu í 2 skálar, setjið sósuna yfir og njótið.
