Content
Linsusúpa með engifer
Ljúf súpa sem er tilvalið að njóta þegar kólna fer í veðri
Ljúf súpa sem er tilvalið að njóta þegar kólna fer í veðri
Hráefnið fyrir 4
1 msk ólífuolía
1 laukur, saxaður
2 hvítlauksrif, pressuð
½ tsk túrmerik
½ - 1 tsk broddkúmen (cumin)
1 ½ msk engiferskot
250 g gulrætur eða sætar kartöflur eða grasker, brytjað
250 g rauðar linsur (½ poki)
1 lítri vatn
1 msk grænmetiskraftur
1 ½ msk sítrónusafi
½ tsk sjávarsaltflögur
salt og pipar til að smakka til
graskersfræ – ristuð og söltuð
ef vill: 1 búnt kóríander, saxað
Aðferð
Mýkið lauk og hvítlauk í ólífuolíu í u.þ.b. 5 mínútur í pottinum ásamt túrmerik, broddkúmeni og engiferskoti. Bætið svo gulrótum og linsum út í.
Hellið vatni ásamt grænmetiskrafti út í. Látið suðuna koma upp, lækkið undir og leyfið að malla í u.þ.b. 20 mín.
Blandið súpuna annað hvort í matvinnsluvél, eða með töfrasprota beint ofan í pottinn.
Bætið nú sítrónusafa, salti og pipar út í. Smakkið til með meiri sítrónusafa, salti og ólífuolíu ef vill. Einnig má bæta meira engiferskoti út í ef þið viljið að súpan rífi aðeins í.
Stráið ristuðum graskersfræjum og söxuðum ferskum kóríander yfir hvern skammt og berið fram með góðu brauði.
