Content
Lakkrís kókos smákökur
Ljúffengar smákökur með lakkrís og súkkulaði
Ljúffengar smákökur með lakkrís og súkkulaði
Hráefnið fyrir 4
1 bolli smör, t.d. vegan frá earth balance
1 bolli hrásykur
1 msk vegan mayo
1 msk útbleytt chiafræ*
1 tsk vanilla
hræra þetta saman í hrærivél þar til létt og loftkennt (t.d. 10-15 mín).
2 1/4 bollar kókosmjöl
2 1/4 bollar spelt, fínt malað
1 tsk lyftiduft
1 bolli smátt skornir lakkrísbitar
1/2 bolli súkkulaði
þurrefnunum bætt út í og hrært stutt saman, bara um 15 sekúndur eða þar til allt hefur blandast saman.
Aðferð
*Útbleytt chiafræ eru 1 hluti chiafræ og 4 hlutar vatn.
Best er að baka úr deiginu þegar það er við stofuhita, ekki þarf að kæla deigið fyrst.
Gott er að nota teskeið til að búa til kökur til að raða á ofnplötuna.
Fletjið kökurnar smávegis út með fingrunum ef þið viljið flatar kökur, en svo er líka hægt að móta kúlur og þá verða kökurnar hærri.
Bakið í forhituðum ofni við 185°C í 5-10 mínútur, eða þar til kökurnar byrja að taka lit. Gott að fylgjast með, fer eftir ofninum hvort þær þurfa bara 5 mín, eða meira.
Færið kökurnar yfir á kökugrind til að kólna í smástund áður en þið njótið.
