Til baka
Content
Bananabrauð
Bananabrauð er svo gott með kaffinu.
Þessi uppskrift inniheldur hvorki egg né mjólkurvörur og hentar því þeim sem hafa óþol/ofnæmi, eða eru vegan, en líka ykkur sem langar bara í ljúffengt bananabrauð.
Við notum fínt og gróft spelt til helminga, svo það er passlega gróft.
Hægt er að bæta súkkulaðibitum, hnetum eða niðurskornum döðlum út í brauðið ef vill.
Hráefnið fyrir 4
Bananabrauð
3 stórir vel þroskaðir bananar (eða 300g)
3 msk kókosolía
2 msk ólífuolía
1 dl sykur, t.d. hrásykur
1.5 tsk vanilla
1.5 tsk kanill
1 tsk sítrónusafi
225g spelt, fínt og gróft til helminga
2.5 tsk lyftiduft
0.5 tsk sjávarsalt
ef vill: 50-100g súkkulaðibitar eða hnetur
Aðferð
Forhitið ofninn í 200°C (ekki blástur).
Stappið banana í skál, hrærið olíum, sykri, vanillu, kanil og sítrónusafa saman við.
Blandið spelti, lyftidufti og salti saman í aðra skál.
Sameinið blöndurnar, en ekki hræra of lengi, bara rétt nóg til að allt blandist vel.
Að lokum má bæta söxuðum hnetum eða súkkulaði varlega við.
Setjið deigið í smurt form. Gaman er að skreyta með söxuðum möndlum ofan á.
Bakið við 200°C. Eftir 20 mín hyljið þá brauðið með álpappír og bakið áfram í 30 mín, samtals í 50 mín. Álpappírinn er nauðsynlegur svo brauðið brenni ekki efst.
Leyfið brauðinu að kólna aðeins áður en það er skorið í sneiðar. Það er erfitt að bíða, en sneiðarnar verað betri ef brauðið fær að kólna, helst í 30 mín áður en skorið.
Vörur í uppskrift
Fleiri uppskriftir
Ribeye
Það er ekkert eins gott og vel eldað ribeye, hér er uppskrift að ribeye sem kitlar bragðlaukana.
Hakk og spagettí
Við kynnum fyrsta flokks íslenskt nautakjöt frá Íslandsnauti – fullkomnað með dásamlegri spagettí uppskrift Íslandsnaut býður aðeins fyrsta flokks íslenskt nautakjöt.
Smash style borgari
Smash hamborgarar hafa notið mikilla vinsælda og bjóða upp á bragðmikla útgáfu af hefðbundnum hamborgara.
