Penslið hamborgara með tikka masala-mauki og geymið við stofuhita í 1 klst. Steikið þá síðan í olíu á milliheitri pönnu í 2 mínútur á hvorri hlið. Steikið ananas og mangó á sömu pönnu í 1 mínútu. Hitið naan-brauð í brauðrist, skerið þau síðan til helminga og setjið tikka masala-sósu á neðri helminginn, toppið með salati og lauk. Leggið borgarann þar ofan á, síðan ananas, mangó og poppadoms og síðast hinn helminginn af naan-brauðinu. Berið fram með soðnum hrísgrjónum eða frönskum kartöflum.